Azərbaycan və Albaniya arasında iqtisadi əməkdaşlığın genişləndirilməsi müzakirə edilib.
Bu barədə Kriminal.Az-a İqtisadiyyat Nazirliyindən məlumat verilib.
Bildirilib ki, nazir Mikayıl Cabbarov Albaniyanın Baş nazirinin müavini, infrastruktur və energetika naziri xanım Belinda Balluku ilə görüş keçirib. Görüşdə ölkələrarası münasibətlərin inkişafında dövlət başçılarının sıx təmaslarının xüsusi rolu, qarşılıqlı səfərlərin əhəmiyyəti vurğulanıb. Bu ilin mart ayında Azərbaycan Hökuməti ilə Albaniya Nazirlər Şurası arasında imzalanmış iqtisadi əməkdaşlıq haqqında Saziş ticarət, investisiya, enerji, nəqliyyat, infrastruktur, ətraf mühit və digər istiqamətlər üzrə əlaqələrin inkişafına yönəlmiş növbəti addım kimi qiymətləndirilib. İkitərəfli münasibətlərin inkişafı üçün mövcud imkanların təhlil edilməsi və qiymətləndirilməsinin, biznes dairələri arasında işbirliyinin vacibliyi qeyd edilib. Həmçinin turizm sahəsində əməkdaşlığın genişləndirilməsinə maraq ifadə edilib.
Tərəflər iqtisadi sahədə birgə fəaliyyət, səmərəli enerji tərəfdaşlığı və ikitərəfli investisiyaların təşviqi məsələləri barədə fikir mübadiləsi aparıblar.
"Albaniyanın baş nazirinin müavini, infrastruktur və energetika naziri xanım Belinda Balluku görüşdük".
Kriminal.Az xəbər verir ki, bu barədə iqtisadiyyat naziri Mikayıl Cabbarov "X" hesabında paylaşım edib:
"Görüş zamanı ölkələrimizin iqtisadi sahədə birgə fəaliyyətini, səmərəli enerji tərəfdaşlığını və ikitərəfli investisiyaların təşviqi məsələlərini müzakirə etdik".
#Albaniya-nın Baş nazirinin müavini, infrastruktur və energetika naziri xanım Belinda Balluku (@BallukuBelinda) ilə ölkələrimizin #iqtisadi sahədə birgə fəaliyyətini, səmərəli #enerji tərəfdaşlığını və ikitərəfli #investisiya-ların təşviqi məsələlərini müzakirə etdik.#EconomyAz pic.twitter.com/4CNzoHBAF5
— Mikayil Jabbarov (@MikayilJabbarov) June 11, 2024
