"Tərkibində şəkər, duz və yağ olduğuna görə istənilən şirniyyat insanın psixo-emosional vəziyyətini yaxşılaşdırır".
Bunu rusiyalı diyetoloq Mixail Ginzburg bədəndə sevinc hormonunu artıraraq əhval-ruhiyyəni yaxşılaşdırmağa kömək edən qida qruplarını sadalayarkən deyib.
Mütəxəssis qeyd edib ki, həmçinin giləmeyvələr də əhval-ruhiyyəyə müsbət təsir göstərir. Onlar qan damarlarının vəziyyətinə faydalı təsir göstərir və orqanizmin ümumi vəziyyətini yaxşılaşdırır.
Bundan əlavə, Ginzburqun sözlərinə görə, qoz-fındıqların tərkibində narahatlıq hissini nəzarət altında saxlamağa kömək edən çoxlu miqdarda omeqa-3 yağ turşuları var, qurudulmuş meyvələrdə isə çoxlu miqdarda flavonoid var.
Diyetoloq əlavə edib ki, ədviyyatlar və kakao da həmçinin dofamin istehsalını stimullaşdırır.
Mənbə: pravda.ru
