"Harri Potter" dünyasının pərəstişkarları HBO-nun yeni serialında sürprizlərə hazırlaşırlar.
Kriminal.Az-ın "The Hollywood Reporter"ə istinadla verdiyi məlumata görə, serialda sirli "professor Severus Sneyp" roluna britaniyalı aktyor Paapa Essiedu nəzərdən keçirilir.
Lakin bu barədə danışıqların başlanıb-başlamadığı hələ məlum deyil.
"Black Mirror", "The Capture" və "Gangs of London" seriallarından tanınan 34 yaşlı Essiedu Harri Potter saqasının ən ziddiyyətli personajlarından birini canlandıran ilk qaradərili aktyor ola bilər.
Bu addım HBO-nun yeni serial üçün müxtəlif aktyor heyəti yaratmaq vədinə tam uyğundur.
Xatırladaq ki, orijinal filmlərdə Sneyp rolunu Alan Rikman canlandırmışdı.
"Harri Potter" serialının çəkiləcəyi haqqında xəbər 2022-ci ildə verilmişdi. Məlumata görə, hər mövsüm Coan Roulinqin yeddi kitabındakı hadisələri ətraflı şəkildə təsvir edəcək. Serialın ilk tizeri 2023-cü ildə təqdim edilib. Serialın 2026-cı ildə hazır olacağı və "HBO Max" yayım platformasında premyerası gözlənilir. Filmdə "Voldemort" rolunu aktyor Killian Mörfinin, "Dambldor" rolunu isə aktyor Mark Raylensin ifa edə biləcəyi versiyası var.
