Hollivud ulduzu Ancelina Coli populyar şou zamanı tamaşaçıları təəccübləndirib. Belə ki, o, proqrama ayaqyalın qatılıb.
Kriminal.Az-ın verdiyi məlumata görə, bu barədə sosial şəbəkələrdə kadrlar yayılıb.
Məlum olub ki, bu qeyri-adi seçimin səbəbi aktrisanın ayağından aldığı zədədir.
"Ayaq barmağımı sındırdım. Rahat ayaqqabı tapmağa çalışdım, amma sonda belə qatılmağa qərar verdim", - deyə aktrisa bildirib.
Proqramda Ancelina uşaqları barədə də danışıb, onların kameralardan və ictimaiyyətdən uzaq qalmağı üstün tutduqlarını qeyd edib.
"Mənim uşaqlarım, düşünürəm ki, kamera arxasında, səhnə arxasında işləmək istəyirlər, onlar, həqiqətən də, tənha olmaq istəyirlər, xüsusilə də Şaylo. Məşhurluq onların seçimi deyildi. Bəzi insanlar ictimaiyyət qarşısında, bəziləri tok-şoularda rahat olurlar, bəziləri isə yox", - deyə o vurğulayıb.
