"Transfer xətrinə transfer etmək istəmirik".
Kriminal.Az xəbər verir ki, bunu "Qarabağ"ın baş məşqçisi Qurban Qurbanov Misli Premyer Liqasının XIX turunun "Qarabağ" - "Şamaxı" (3:2) sonra keçirilən mətbuat konfransında komandaya yeni futbolçu transfer edib-etməyəcəkləri ilə bağlı suala aydınlıq gətirərkən bildirib.
O bildirib ki, hazırda transfer mövsümü çox qısa olub və oyunçu götürmək üçün limitin təsiri yoxdur. Ancaq komandaya istədikləri mövqelərdə bəyəndikləri oyunçuları almaq niyyətində olduqlarını vurğulayıb:
"Hazırda oyunçu götürməyimiz üçün limitin bura aidiyyəti yoxdur. İstədiyimiz mövqelərə bəyəndiklərimiz olsa, mütləq götürəcəyik. Ötən aylarda da neçə oyunçumuz zədələndi, balansı qoruya bilmədik. Bəzi rotasiyalar edirdik. Bu ay 15 gündə 5 oyunumuz var. Transfer xətrinə transfer etmək istəmirik. Çox istərdik ki, ürəyimizcə olan oyunçular olsun. Axtarışdayıq".
Baş məşqçi, həmçinin keçən dövr ərzində zədələr səbəbindən heyətdə balansı qoruya bilmədiklərini qeyd edib və komandaya uyğun oyunçuların alınması məqsədini güddüklərini vurğulayıb.
