ABŞ-nin məşhur "Dostlar" ("Friends") kult serialının ulduzu Devid Şvimmer özündən təxminən 30 yaş kiçik tələbə qızla eşq yaşamağa başlayıb.
Kriminal.Az-ın xəbərinə görə, bu barədə "Daily Mail" nəşri məlumat verib.
58 yaşlı aktyor Beverli-Hillsdə restoranlardan birindən gənc qadınla çıxarkən paparassilər tərəfindən görüntülənib. Jurnalistlər qadının Los-Ancelesdəki Kaliforniya Universitetinin tibb fakültəsinin tələbəsi Eliana Jolkovskaya olduğunu müəyyən ediblər.
Qızın 29 yaşı var və o, yəhudi fəalıdır, bir tərəfi koreyalıdır. Eliana Şabbata əməl edir və Holokostdan sağ çıxanlara kömək məqsədilə ianələr toplayır.
Qeyd edək ki, Şvimmer 2017-ci ildə Zoi Bakman ilə yeddiillik evliliyi bitdikdən sonra müxtəlif qadınlarla görüntülənir.
