Nə qədər ki, Rusiya Ukraynaya qarşı təcavüzünü dayandırmayıb və münaqişənin vurduğu zərərə görə ona təzminat ödəməyib, Avropa İttifaqı (Aİ) Rusiyanın dondurulmuş aktivlərini blokdan çıxarmaq fikrində deyil.
Oxu.Az xəbər verir ki, bu barədə Aİ-nin Avropa sammitinin nəticələri üzrə qəbul etdiyi sənəddə deyilir.
Aİ bundan sonra da Rusiyaya təzyiqi gücləndirməyə, o cümlədən yeni sanksiyalar tətbiq etməyə hazırlaşır.
Qeyd edək ki, Aİ sammitinin yekun sənədində Ukraynaya hərbi-siyasi dəstəyin davam etdirilməsinə çağırış yer alıb. Sənədi 27 ölkədən 26-sı dəstəkləyib, yalnız Macarıstan bitərəf qalıb.
