"J.P.Morgan Chase" analitiklərinin fikrincə, ABŞ-nin idxal rüsumlarının artırılmasından sonra 2025-ci ildə dünya iqtisadiyyatında böhran riski 40%-dən 60%-ə yüksəlib.
Oxu.Az "İnterfaks"a istinadən xəbər verir ki, ekspertlər ABŞ-nin ticarət siyasətini gözləniləndən daha neqativ hesab edirlər.
Bankın məlumatında bildirilir ki, idxal rüsumları artımının təsiri və digər ölkələr tərəfindən qarşılıqlı tədbirlər ABŞ-də biznes mühitinin pisləşməsi və təchizat zəncirlərində pozuntulara səbəb olacaq. Bütün bunlar isə qlobal iqtisadi böhran riskini artırır.
