Türkiyə ilə sərhəddə Qərbi Trakiyanın Evros bölgəsində yerləşən Kumçiftliği (Orestiada), Sofulu (Sufli) və Dimetoka (Didimotiho) ərazilərinə köçən vətəndaşlara 10 min avro (təx.19 min manat) pul veriləcək.
Kriminal.az xarici KİV-ə itinadla xəbər verir ki, bu vədlə Yunanıstan hökuməti çıxış etsə də, istəyinə nail ola bilməyib.
Planın əsas məqsədi sərhədyanı ərazilərdə azalan əhalini tarazlaşdırmaq və strateji bölgələrdə Yunanıstanın demoqrafik strukturunu qorumaqdır. Lakin hökumətin bu addımı gözlənilən nəticəni verməyib.
Yerli idarəçilər vurğulayır ki, miqrasiya təkcə pul stimulları ilə mümkün deyil, məşğulluq və investisiya ilə dəstəklənməlidir.
Orestiada bələdiyyəsinin başçısı Diamantis Papadopulos deyib ki, proqram ilk elan edildiyi zaman məhdud maraq görsə də, bu, get-gedə azalıb. Onun sözlərinə görə, müraciət edənlərin əksəriyyəti bölgə ilə keçmiş əlaqələri olan ailələrdir.
"Bu, sehrli bir həll deyil, inkişaf siyasətləri ilə dəstəklənməlidir" – o söyləyib.
Billurə Yunus
