“Atletiko” Madrid İspaniya Kral Kubokunun 1/16 final mərhələsində səfərdə “Luqo”nu 3:1 hesabı ilə məğlub edib.
Paytaxt təmsilçisinin heyətində Anhel Korrea ikinci dəqiqədə hesabı açıb. Ev sahiblərinin cavab qolunu 39-cu dəqiqədə Leandro Antonetti vurub.
Memfis Depayın dublu (66 və 74-cü dəqiqələr) “Atletiko”ya qələbə qazandırıb. Bu nəticə ilə komanda 1/8 final mərhələsinə adlayıb.
