Bu yaxınlarda Elm və Təhsil Nazirliyi tərəfindən Bakı şəhərində çətin tərbiyə edilən uşaqlar üçün təlim-tərbiyə müəssisə yaradılıb.
Baku Tv 2025-ci ildən fəaliyyət göstərəcək müəssisə ilə bağlı sorğu keçirib və paytaxt sakinlərinin fikirlərini öyrənib.
Bu addımı müsbət qiymətləndirənlər də olub, övladını bu müəssisəyə verməyə qəti şəkildə qarşı çıxanlar da.
"Əgər uşağın qanında tərbiyəsizlik varsa, ona özəl müəssisə heç nə edə bilməz", - sakin söyləyib.
Elm və Təhsil Nazirliyindən bildirilib ki, ləğv edilmiş sağlamlıq imkanları məhdud uşaqlar üçün 7 nömrəli xüsusi internat məktəbinin bazasında yaradılan müəssisəyə 8 yaşından 18 yaşına qədər çətin tərbiyə olunan şagirdlər qəbul ediləcəklər:
"Yeni yaradılan müəssisədə yetkinlik yaşına çatmayanların ibtidai, ümumi, orta və tam orta təhsil səviyyələri üzrə təhsilinin, həmçinin onların davranışlarının korreksiyası və cəmiyyətə uyğunlaşmasının, o cümlədən tibbi-pedaqoji reabilitasiyasının, habelə psixoloji reabilitasiyasının və korreksiyasının həyata keçirilməsi nəzərdə tutulub".
Müəssisədə tədris ümumi təhsil proqramına uyğun olaraq aparılacaq. Çətin tərbiyə edilən uşaqların necə müəyyənləşdirilməsi məsələsinə gəldikdə isə, Nazirlikdən bildirilib ki, müəssisə fəaliyyətə başladıqdan sonra bu barədə detallar açıqlanacaq.
Daha ətraflı videomaterialda:
