İngiltərə yığmasının keçmiş baş məşqçisi Qaret Sautqeyt "Britaniya İmperiyası" ordeni ilə təltif edilib.
Kriminal.Az xəbər verir ki, bu barədə Britaniya hökumətinin mətbuat xidməti məlumat yayıb.
Tam siyahıya siyasi, idman, yaradıcı və ya ictimai fəaliyyətə töhfə vermiş 1 200-dən çox şəxsin adı daxil edilib.
Q.Sautqeyt İngiltərə millisində 2016-cı ildən baş məşqçi kimi fəaliyyətə başlayıb. Onun rəhbərliyi altında komanda iki dəfə Avropa çempionatının finalına vəsiqə qazanıb. Q.Sautqeyt İspaniya ilə qarşılaşdığı Avro-2024-ün finalından sonra baş məşqçi postunu tərk edib.
Məlumat üçün əlavə edək ki, "Britaniya İmperiyası" ordeni kral V Georq tərəfindən 4 iyun 1917-ci ildə təsis olunmuş mükafatdır.
