ABŞ-də Co Bayden tərəfindən edam cəzası ömürlük həbslə dəyişdirilən iki cinayətkar ölüm hökmünün ləğvinə qarşı çıxıb. Onlar müvafiq sənədləri imzalamaqdan imtina ediblər.
Kriminal.Az xəbər verir ki, bu barədə "NBC News" məlumat yayıb.
Məhbusların vəkilləri Baydenin onlara qarşı verdiyi əmrin ləğv edilməsini tələb edərək məhkəməyə müraciət ediblər.
"NBC News" izah edir ki, ölüm cəzasına məhkum edilmiş şəxslərin müraciətləri ədalət mühakiməsinin mümkün səhvlərindən sığortalanmaq üçün həmişə daha diqqətlə nəzərdən keçirilir.
Xatırladaq ki, dekabrın sonlarında Co Bayden federal məhkəmələrdə edam cəzasına məhkum edilmiş 40 nəfərdən 37-nin ölüm hökmünü şərti azadlığa buraxılma ehtimalı olmadan ömürlük həbslə əvəz edib.
