"Gələcəkdə bizi təhdid edəcək hər kəsə qarşı qətiyyətlə hərəkət edəcəyik".
Kriminal.Az xəbər verir ki, bunu İsrailin Baş naziri Binyamin Netanyahu İsrail ordusunun Yəməndəki "Ənsar Allah" hərəkatının husi qiyamçılarının hədəflərinə endirdiyi zərbələri şərh edərkən deyib.
"Söz verdiyimiz kimi, husilər bizə qarşı aqressiyanın ağır bədəlini ödəyirlər və ödəməyə davam edəcəklər. Bu gün biz Yəmənin qərb sahilində və dərinliklərində husi rejiminin terror hədəflərini vurduq", - Netanyahu bildirib.
