"Rockstar Car" hərrac evi əvvəllər ABŞ-nin yeni seçilmiş Prezidenti Donald Trampa məxsus olan "Ferrari F430" idman avtomobilini satışa çıxaracaq.
Kriminal.Az-n xəbərinə görə, bu barədə "Carscoops.com" nəşri məlumat verib.
Məlumata görə, hərracın fevralın 16-dan martın 9-dək keçirilməsi planlaşdırılır. Avtomobil 1 milyon dollar dəyərində qiymətləndirilib. Gələcək sahibi idman avtomobili ilə yanaşı, nəqliyyat vasitəsinin original pasportunu, həmçinin Trampın adına zəmanət kartını əldə edəcək. Avtomobilin gediş məsafəsi 15 min kilometr təşkil edir.
"Ferrari F430" parlaq qırmızı "Rosso Corsa" rənginə boyanıb. Bundan əlavə, kuzovu qoruyucu plyonka ilə örtülüb.
Qeyd olunur ki, Donald Tramp avtomobilin ilk sahibi olub. Maşın 2007-ci ildə alınıb.
