Britaniyanın "Car&Classic" portalı "Koenig" tərəfindən modifikasiya edilmiş "Porsche 911 Turbo"nun satışını təklif edir.
Kriminal.Az auto.ru-ya istinadən xəbər verir ki, bu avtomobillərdən yalnız 10 ədəd hazırlanıb.
"Porsche" üçün tələb olunan qiymət £299.000 ($368.000) təşkil edir ki, bu da onun nadirliyi, az yürüşü və yaxşı vəziyyətdə olması ilə izah olunur.
Təsvirə görə, orijinal "Porsche 911 Turbo Koenig" 1988-ci ilə aiddir. Avtomobil təxminən 25 min kilometr yol qət edib və yalnız bir sahibi olub.
