"Real Madrid" mövsümlük gəliri bir milyard avronu keçən ilk klub olub.
Kriminal.Az xəbər verir ki, "Deloitte" audit şirkəti dünya klublarının 2023/24 mövsümündəki gəlirləri ilə bağlı hesabat tərtib edib.
Ardıcıl ikinci dəfə siyahının lideri olan İspaniya nəhənginin gəlirləri 1.046 milyard avroya çatıb. Bu, bir il əvvəlkindən 26 faiz çoxdur. Həmin vaxt Madrid klubu 831 milyon avro gəlir əldə edib.
"Real Madrid" bununla da futbol tarixinə milyard səddini keçən ilk klub olub. Bunun 483 milyon avronu kommersiya, 316 milyon avronu yayımdan, 248 milyon avronu oyun günü gəlirləridir.
Qeyd edək ki, "Real Madrid" 2023/24 mövsümündə Çempionlar Liqası və La Liqanın qalibi olub.
