"Sony" bütün dünyada "PlayStation Network" (PSN) xidmətlərinə təsir edən böyük bir kəsintinin olduğunu bildirib.
Kriminal.Az xəbər verir ki, bu barədə gazeta.ru yazır.
PSN infrastrukturunda qlobal fasilə səbəbindən istifadəçilər hesablara, oyunlara, "PlayStation Video" xidmətlərinə, "PlayStation Store" və "PlayStation Direct" veb saytına daxil olmaqda çətinliklərlə üzləşiblər.
"PS Vita", PS3, PS4 və PS5 kimi bütün platformaların sahibləri problemlərdən şikayətləniblər.
"Sony" təsdiq edib ki, istifadəçilər oyunlar, proqramlar və onlayn funksiyaları işə salmaqda çətinlik çəkə bilərlər. Məsələn, satın alınan rəqəmsal oyunları yükləmək, dostlarınızın siyahısını, kuboklarınızı və onlayn statusunuzu PS5-də göstərmək mümkün olmaya bilər.
