Xocalı soyqırımının ildönümü ilə əlaqədar keçiriləcək anım tədbirlərinə hazırlıq işləri yekunlaşıb.
Bu barədə Kriminal.Az-a açıqlamasında Xətai Rayon İcra Hakimiyyətinin ictimai-siyasi və humanitar məsələlər şöbəsinin müdiri Pənah İmanov məlumat verib.
O qeyd edib ki, "Ana fəryadı" abidəsinin yerləşdiyi park il ərzində daim nəzarətdə saxlanılır və hər il olduğu kimi bu il də ziyarət üçün xüsusi hazırlıqlar görülüb:
"Parkın ətrafına baxış keçirilib, çatışmayan nələr varsa, bərpa edilib. Günlüklər, işıq dirəkləri, oturacaqlar və məhəccərlər yenidən rənglənib, mövsümi güllər əkilib. Həmçinin parkın işıqlandırma sistemində yaranan problem də aradan qaldırılıb, 2 min metr uzunluğunda kabel xətti dəyişdirilib".
Aləmdə Nəsib
