ABŞ Prezidenti Donald Tramp Böyük Britaniya kralı III Çarlzın "gizli təklifi"nin ona xoş gəldiyini bildirib.
Kriminal.Az-ın məlumatına görə, bu barədə dövlət başçısı "Truth Social"da yazıb:
"Mən kral Çarlzı sevirəm. Mənə xoş gəlir", - Tramp qeyd edib və paylaşıma "The Sun" qəzetinin məqaləsinə keçidi əlavə edib.
Britaniya qəzetinin materialında qeyd olunur ki, Trampın Böyük Britaniyaya dövlət səfəri zamanı III Çarlz ABŞ-yə Millətlər Birliyinin assosiasiya üzvü olmağı təklif edə bilər. Millətlər Birliyi Böyük Britaniya və onun demək olar ki, bütün keçmiş müstəmləkələri, dominyonları və protektoratlarını birləşdirən dövlətlərarası birlikdir.
Bu ideya Trampın ilk prezidentlik müddətində də ortaya çıxmışdı, lakin həyata keçirilməmişdi.
