Kanadanın Baş naziri Mark Karni aprelin 28-də növbədənkənar parlament seçkisinin keçiriləcəyini elan edib.
Oxu.Az xəbər verir ki, Karni bu barədə dövlət televiziyasında xüsusi müraciəti zamanı məlumat verib.
"Mən indicə Kanadanın Baş Qubernatoru Meri Saymondan Parlamenti buraxmağı və aprelin 28-nə seçki təyin etməyi xahiş etdim", - deyə M.Karni bildirib.
Baş nazir qeyd edib ki, növbədənkənar seçkinin keçirilməsi qərarını ölkənin iqtisadi problemlərini tez bir zamanda düzəltmək və ABŞ administrasiyasının tarif siyasətinə cavab vermək zərurəti ilə qəbul edib.
