ABŞ Hərbi Hava Qüvvələri "Ənsar Allah" hərəkatının husi üsyançılarının nəzarəti altında olan Yəmənin paytaxtı Səna şəhərinə silsilə zərbələr endirib.
Oxu.Az xəbər verir ki, bu barədə üsyançılara məxsus "Al-Masirah" telekanalı məlumat yayıb.
Qeyd olunur ki, həmçinin şəhərin qərbində yaşayış massivində yerləşən bina da hədəf alınıb.
Yaşayış binasının bombalanması nəticəsində ölən və yaralananların olduğu bildirilir. Onların dəqiq sayı barədə məlumat verilmir.
Öz növbəsində "Al-Hadath" telekanalı husilərin silah anbarlarının atəşə tutulduğunu bildirib.
Xatırladaq ki, martın 15-də ABŞ Prezident Donald Trampın əmri ilə ABŞ ordusu Yəmən ərazisinin təxminən üçdə birinə nəzarət edən üsyançıların mövqelərinə kütləvi zərbələr endirməyə başlayıb.
