Moldovanın Qaqauziya Muxtar Vilayətinin rəhbəri Yevgeniya Qutsul 20 sutka müddətinə həbs edilib.
Oxu.Az xəbər verir ki, bu barədə TASS məlumat verib.
Qeyd olunur ki, prokurorluq 2023-cü il seçki kampaniyasının qeyri-qanuni maliyyələşdirilməsi ilə bağlı dörd maddə üzrə ittiham olunan Qutsulun 30 sutka müddətinə həbs olunmasını istəyib.
Qutsul ittihamlarla bağlı özünü təqsirli bilməyib.
Qeyd edək ki, Qaqauziyanın rəhbəri martın 25-də axşam saatlarında Kişinyov hava limanında İstanbula uçuş üçün qeydiyyatdan keçərkən saxlanılmışdı.
