Rusiyalı psixoloq Lyubov Lısenko cütlüklər arasında xəyanətin qeyri-adi səbəbini açıqlayıb.
Oxu.Az Gazeta.ru-ya istinadən xəbər verir ki, ekspertin fikrincə xəyanət bir sıra səbəblərlə yanaşı, özünə dəyər verməməyin nəticəsi də ola bilər.
"Səbəblərə gəldikdə, birincisi, vacib ehtiyacların ödənilməməsidir. Bu, ruhi yaxınlığın olmaması, birgə çox vaxt keçirməyin mümkünsüzlüyü və başqa bir çox amillər ola bilər. İkincisi, özünə dəyər verməməkdir. İnsanın özünəhörmət hissi aşağı olduqda, o, cazibədarlığının təsdiqini kənarda axtarmağa başlaya bilər. Həmçinin bu səbəbdən o, tərəfdaşında sədaqətsizlik əlamətləri axtarır. Belə paranoya, münasibətlərdə hər şey yaxşı olsa belə, qarşı tərəfi xəyanətə və ya ayrılığa sövq edə bilər", - psixoloq qeyd edib.
Onun sözlərinə görə, psixoloji cəhətdən qeyri-yetkin insanlar tez-tez monotonluğa dözmürlər. Onları yeniliyin, qadağan olunmuşun adrenalininin, kəskin hisslərin cazibəsi çəkir, buna görə də, xəyanətə meyilli olurlar.
