Rusiyada 10 yaşlı uşaq fərasət və bacarığı sayəsində yanğından xilas olub.
Kriminal.Az-ın "Astra" "Telegram" kanalına istinadla verdiyi məlumata görə, hadisə Sankt-Peterburqda qeydə alınıb.
Bildirilib ki, mənzildə yanğın başladığını görən oğlan vəziyyəti cəld qiymətləndirə bilib: o, balkondan adyal atıb ki, yoldan keçənlər ona kömək edə bilsinlər.
Fərasət və cəsarət: 10 yaşlı uşaq xilas olmaq üçün əvvəl adyal atdı, sonra özü tullandı
Sakinlər adyalı açandan sonra uşaq eyvandan atılıb. Yıxılma zamanı o, yüngül xəsarət alıb.
Qeyd edilib ki, məktəbli evdə tək olub. Ana qapını arxadan bağlayıb işə gedibmiş.
Yanğın təxminən dörd kvadratmetr sahəni əhatə edib. Hadisənin səbəbləri araşdırılır.
