"Planetimizin mərkəzində qəribə şeylər baş verir. Yerin daxili nüvəsi - 5000 kilometrdən çox dərinlikdə yerləşən sıx dəmir sfera - qəfildən fırlanma istiqamətini dəyişib".
Kriminal.Az-ın verdiyi məlumata görə, bu barədə "Nature Geoscience" jurnalında dərc edilmiş tədqiqatda deyilir.
Alimlərin məlumatına görə, əvvəlcə nüvə təxminən 2010-cu ildə yavaşladı, indi isə yer qabığına nisbətən əks istiqamətdə fırlanmağa başlayıb. Bütün bunlar maye xarici nüvə ilə onu əhatə edən mantiya arasındakı qarşılıqlı təsirin nəticəsidir.
Tədqiqatçılar yüzlərlə zəlzələ və nüvə sınaqlarının məlumatlarını təhlil ediblər. Seysmik dalğalar göstərib ki, Yerin mərkəzində ciddi hərəkətlər baş verir.
Elm adamları vurğulayıblar ki, bunun günün uzunluğuna təsiri hələlik minimaldır - saniyənin mində birindən də az. Lakin dəyişikliklər maqnit sahəsinə və hətta iqlimə təsir göstərə bilər.
Alimlər qeyd edirlər ki, nüvənin forması da dəyişir.
"Biz planetin "dəmir ürəyi"nin necə işlədiyini yenicə anlamağa başlayırıq. Və bu, Yer haqqında təsəvvürümüzü həmişəlik dəyişə bilər", - deyə məqalədə vurğulanıb.
