Macarıstan hökuməti Haaqa Beynəlxalq Cinayət Məhkəməsi ilə əməkdaşlığı dayandırmaq qərarına gəlib.
Oxu.Az MTI agentliyinə istinadən xəbər verir ki, bu barədə Macarıstan baş nazirinin aparatının rəhbəri Qergeli Quiyaş məlumat verib.
"Hökumət Beynəlxalq Cinayət Məhkəməsindən çıxmaq barədə qərar qəbul edib. Konstitusiya və beynəlxalq hüquqi çərçivəyə uyğun olaraq sazişə xitam verilməsi proseduru aprelin 3-də hökumət tərəfindən başladılacaq", - deyə Macarıstan rəsmisi bildirib.
