"Turkish Airlines" və "EgyptAir" aviaşirkətləri təhlükəsizlik səbəbilə Somalinin paytaxtı Moqadişunun beynəlxalq aeroportuna uçuşları müvəqqəti dayandırdıqlarını elan ediblər.
Oxu.Az xəbər verir ki, bu barədə "Baidoa Online" portalı Somali federal hökumətinin xüsusi xidmət orqanlarındakı mənbələrə istinadla məlumat yayıb.
Bildirilir ki, aprelin 6-da aeroport minaatanlardan atəşə məruz qalıb.
