Astroloji proqnozlara əsasən, 1–7 iyul tarixlərində bəzi bürcləri iş həyatında sevindirici yeniliklər gözləyir. Kriminal.az xəbər verir ki, müxtəlif astroloqların “Hindustan Times”, “People” və “Truthstar” kimi beynəlxalq media orqanlarında dərc olunan həftəlik bürclərinə görə, qarşıdakı günlər bir sıra bürclər üçün karyera baxımından uğurlu olacaq.
Əkizlər (21 may – 20 iyun)
Əkizlər bürcü üçün gələn həftə məhsuldar keçəcək. Bu bürc altında doğulanlar iş yerində vacib məsuliyyətlər əldə edə və rəhbərlik tərəfindən fərqləndirilə bilər. Yeni təklif və ideyalarla çıxış edən Əkizlərin təşəbbüsləri dəstəklənəcək.
Şir (23 iyul – 22 avqust)
Şir bürcü olanlar üçün həftə gözlənilməz uğurlarla yadda qala bilər. Ulduzların düzülüşü Şirlərə kreativ sahələrdə uğur və yüksəliş vəd edir. Çıxışlar, təqdimatlar və komandadaxili işlərdə aktivlik müsbət nəticə verəcək.
Tərəzi (23 sentyabr – 22 oktyabr)
Tərəzilər iş mühitində yeni başlanğıclara hazır olmalıdır. Tərəzilər rəhbərliklə önəmli bir görüş keçirə və müsbət cavab ala bilərlər. İş yoldaşları ilə harmonik münasibətlər karyerada irəliləyişə təkan verəcək.
Əqrəb (23 oktyabr – 21 noyabr)
Əqrəblər üçün gələn həftə peşəkar inkişaf baxımından əhəmiyyətli ola bilər. Yeni layihələrə cəlb olunma və ya xarici əlaqələr vasitəsilə iş təklifləri alma ehtimalı yüksəkdir. Uğur, əsasən, bilik və bacarığın düzgün nümayişindən asılı olacaq.
Xərçəng (21 iyun – 22 iyul)
Xərçəng bürcünün nümayəndələri üçün yeni ayın təsiri ilə pozitiv dəyişikliklər gözlənilir. Bu dövrdə rəhbərlik Xərçənglərin zəhmətini qiymətləndirə və onları daha yüksək mövqeyə yönləndirə bilər.
Balıqlar (19 fevral – 20 mart)
Balıqlar bürcü üçün qarşıdakı həftə müsbət enerji ilə zəngindir. Ofisdə göstərilən səylər rəhbərlik tərəfindən dəyərləndiriləcək və motivasiyaedici nəticələr əldə olunacaq. İşdə stabillik artacaq, gəlir sahəsində də müsbət dəyişiklik mümkündür.
Kriminal.az
