Ukraynada müharibənin qaynar mərhələsi bu ilin sonuna qədər başa çata bilər. Ukrayna Rusiyaya təklif olunacaq cavab planı hazırlayır.
Kriminal.Az xəbər verir ki, bu barədə Ukrayna Prezidenti Volodimir Zelenski BBC-yə müsahibəsində deyib.
"Əgər biz həmrəy olsaq və məsələn, Sülh Sammitinin formatına əməl etsək, müharibənin qaynar mərhələsinə son qoya bilərik. Bu ilin sonuna qədər bunu etməyə cəhd edə bilərik. İstənilən halda plan hazır olacaq. Amma plan tərəfdaşlarla razılaşdırılmalıdır", - deyə o bildirib.
Zelenskinin fikrincə, müharibənin başa çatması bütün ərazilərin güc yolu ilə ələ keçirilməsi demək deyil. Onun fikrincə, "diplomatiyanın gücü" buna kömək edə bilər.
Zelenski, həmçinin birbaşa Rusiya Prezidenti Vladimir Putinlə danışıqların mümkünlüyünü istisna etməyib.
