"Ekzitpolda iştirak edən respondentlər arasında suallarımızı cavablama istəyi çox yüksək səviyyədə olub".
Kriminal.Az xəbər verir ki, bunu ABŞ-nin "Oracle Advisory Group" təşkilatının təmsilçisi George Birnbaum növbədənkənar parlament seçkisi ilə əlaqədar ekzitpolun nəticələri barədə mətbuat konfransında deyib.
O qeyd edib ki, Qarabağda da ekzitpol keçiriblər və seçicilər sualları aktiv şəkildə cavablandırıblar. Qeyd edək ki, növbədənkənar parlament seçkisi ilə bağlı üç beynəlxalq təşkilat ekzitpol üçün qeydiyyatdan keçib.
Ekzitpolları Sosioloji Tədqiqatlar Mərkəzi, Vətəndaşların Əmək Hüquqlarını Müdafiə Liqası "ORACLE ADVISORY GROUP" (Amerika Birləşmiş Ştatları) ilə birgə və "Tərəqqi" Sosial Tədqiqatlar İctimai Birliyi isə SWG S.P.A Tədqiqatlar Şirkəti (İtaliya) ilə birgə keçirib.
Əzizə İsmayılova
