Birləşmiş Millətlər Təşkilatının (BMT) Livandakı Müvəqqəti Qüvvələrinin (UNIFIL) patrulu ölkənin cənubunda atəşə tutulub.
Kriminal.Az xəbər verir ki, bu barədə UNIFIL-in "X" hesabında məlumat verilib.
"Dünən günorta fransız və fin sülhməramlılarından ibarət UNIFIL Bedias kəndində xidmətlərini yerinə yetirərkən bir qrup şəxs "mavi dəbilqəlilər"in sərbəst hərəkət etməsinə mane olmağa çalışıb. Patrul maneəni keçərək planlaşdırılmış marşrut üzrə hərəkəti davam etdirməyə nail olub. Təxminən bir saat sonra patrul Maarake kəndini keçəndə ona atəş açılıb. Ehtimal edilir ki, qanunsuz qruplaşmaların üzvləri tərəfindən 40-a yaxın atəş açılıb", - məlumatda bildirilir.
Qeyd olunur ki, bəzi patrul maşınlarında güllə izləri aşkar edilsə də, sülhməramlılar xəsarət almayıb. Onlar dərhal hadisə barədə Livan ordusuna məlumat veriblər.
Statement:
— UNIFIL (@UNIFIL_) November 17, 2024
Yesterday afternoon, a UNIFIL patrol involving French and Finnish peacekeepers – while conducting a patrol in the village of Bedias – faced a denial of freedom of movement from a group of individuals with at least one of them armed.
