Yanvarın 1-də saat 20 radələrində Şamaxı şəhərində 3 nəfər arasında bıçaqlanma hadisəsi baş verib.
Kriminal.Az xəbər verir ki, 43 yaşlı Zaur Osmanovla iki qardaş, 42 yaşlı Məqatil Alıyev və 53 yaşlı Vüqar Alıyev arasında şəxsi münasibətlər zəminində mübahisə yaranıb və bir-birlərinə kəsici alətlə xəsarət yetiriblər.
Nəticədə V.Alıyev aldığı xəsarətlərdən ölüb, digər iki nəfər isə xəstəxanaya yerləşdirilib.
Məlumatı Daxili İşlər Nazirliyinin (DİN) Mətbuat Xidmətinin regional qrupundan Kriminal.Az-a təsdiq ediblər.
Faktla bağlı araşdırma aparılır.
