İtaliya A Seriyasının 23-cü turunun "Milan" - "İnter" matçı başa çatıb.
Kriminal.Az xəbər verir ki, 45-ci dəqiqədə "Milan"ın yarımmüdafiəçisi Teyani Reynders hesabı açıb. "İnter"in cavab qolunu 90+3-cü dəqiqədə müdafiəçi Stefan de Vrey vurub - 1:1.
22 matçdan sonra "Milan" 35 xalla A Seriyasının turnir cədvəlində səkkizinci yerdədir. "İnter" eyni sayda oyundan sonra 51 xalla ikinci pillədə qərarlaşıb.
Turnir cədvəlinə 53 xalla "Napoli" başçılıq edir.
