Fransa və Estoniya Ukraynaya dəstəyin genişləndirilməsini müzakirə etmək üçün fevralın 24-də Avropa ölkələrinin müdafiə nazirlərinin fövqəladə iclasını təşkil edir.
Kriminal.Az xəbər verir ki, bu barədə "Bloomberg" məlumat yayıb.
Qeyd olunur ki, fevralın 24-də keçiriləcək videokonfransda Böyük Britaniya, Almaniya, İtaliya və Polşa kimi ölkələrin nümayəndələri ilə yanaşı, Avropa İttifaqı (Aİ) və NATO nümayəndələri də iştirak edəcəklər. Məlumata görə, Avropa liderləri ABŞ-nin Ukraynaya hərbi və maliyyə dəstəyini dayandırması perspektivini nəzərə alaraq yeni müdafiə planları hazırlamaq istəyirlər.
Həmçinin bildirilir ki, Aİ ölkələrinin xarici işlər nazirləri fevralın 24-də Brüsseldə görüşəcəklər.
