Ukrayna və ABŞ faydalı qazıntılar haqqında sazişin detallarını razılaşdırıblar.
Kriminal.Az xəbər verir ki, bu barədə "Financial Times" qəzeti mənbələrə istinadən məlumat paylaşıb.
"Ukrayna məmurları bildiriblər ki, Kiyev indi öz mineral ehtiyatlarının, o cümlədən neft və qazın birgə işlənməsi ilə bağlı sazişi imzalamağa hazırdır", - deyə mənbələr bildirib.
Nəşrin mənbələrinin sözlərinə görə, onlar sazişin daha əlverişli şərtləri ilə bağlı razılığa gəliblər. Bu sazişi isə ABŞ ilə münasibətlərin genişləndirilməsi və üç illik müharibədən sonra Ukraynanın perspektivlərini gücləndirmək üçün bir vasitə kimi təqdim ediblər.
