Almaniya Bundestaqının Xarici Əlaqələr Komitəsinin rəhbəri Mixael Rot Ukrayna Prezidenti Volodimir Zelenski ilə Birləşmiş Ştatların lideri Donald Tramp arasında mübahisəni şərh edib.
Kriminal.Az-ın xəbərinə görə, bu barədə "Tagesspiegel" qəzeti yazıb.
O, Trampın Ukrayna prezidentini və xalqını açıq-aşkar alçaltdığını deyib.
"Heç bir hörmət qoymadan onlar (Tramp və vitse-prezident Ceyms Devid Vens) Zelenskiyə hücum etdilər. Bu, təkcə onun deyil, həm də xalqının ləyaqətini alçaldır", - deyə Mixael Rot bildirib.
Onun sözlərinə görə, bu, siyasi cəhətdən dağıdıcı və insani nöqteyi-nəzərdən olduqca nalayiq bir davranışdır.
Alman siyasətçi hesab edir ki, Vladimir Putin və onun kimi digər dövlət başçıları sevinməlidirlər.
"ABŞ artıq komandada oynamır", - deyə Rot təəssüflənib.
