"Mançester Siti" 33 yaşlı yarımmüdafiəçi Kevin De Bruyne ilə gələn ilin yayında başa çatacaq müqaviləni daha bir mövsüm uzatmağa hazırdır.
Kriminal.Az xəbər verir ki, bu barədə "Mirror" məlumat yayıb.
Qeyd olunur ki, yeni əmək müqaviləsinə əsasən, belçikalı futbolçu maaşının azaldılmasını qəbul etməli olacaq. De Bruyne hazırda həftədə 375 min funt sterlinq (təxminən 471 000 dollar - red.) qazanır. "Şəhərlilər" 33 yaşlı yarımmüdafiəçiyə sərfəli bonuslar təmin etməklə yanaşı, ona həftəlik 150 min funt sterlinq (təxminən 188 min dollar - red.) təklif etməyə hazırdır.
Xatırladaq ki, De Bruyne 2015-ci ilin yayından "Mançester Siti"də çıxış edir. Bu müddət ərzində o, bütün turnirlərdə 410 oyun keçirib, 106 qol vurub və 174 məhsuldar ötürmə edib.
