Beynəlxalq məsələlər üzrə ekspert Əziz Əlibəyli İran Prezidenti Məsud Pezeşkianın Prezident İlham Əliyevlə görüşündəki bədən dilini və bir sıra detalları şərh edib.
Kriminal.az xəbər verir ki, o, dövlət başçısı İlham Əliyevin İran Prezidenti Məsud Pezeşkian ilə məhdud tərkibdə görüşündə stolun üzərində milli su brenlərimizin qoyulmasına diqqət çəkib:
"Stolün üzərində üç minreal milli su brendimiz qoyulub: Sirab, Badamlı və İstisu.
"Sirab" və "Badamlı"nın coğrafiyası maraqlıdır - Naxçıvana aiddir - Yəni, birbaşa İranla sərhəddin dünyaca tanınmış brendləridir.
Çin səfərindən sonra daha bir Naxçıvan detalı - Onu biz Zəngəzur kimi oxusaq, daha yaxşıdır, deyilmi?
"İstisu" isə 30 il sonra erməni işğalından azad edilmiş torpaqların nişanəsidir. İranın bu proseslərdəki tarixi rolunu kiçicik formada xatırladırıq.
Öz siyasi memimizi yaradırıq, nəhayət".
Ekspert görüşdə üz cizgilərinə də diqqət çəkib:
"Şəkildə Azərbaycan və İran nümayəndələri görüş keçirirlər. Üz cizgilərindəki iki mühüm ifadə qabarıq gözə çarpır: "Köhnə tanış, nəhayət ki, gəlmisiniz", "Neynəyək, özümüzünküsünüz da". Və ölkə rəhbərimizin rahatlıq səviyyəsi ilə həmişəki dolu duruşu (yəni, kimliyindən asılı olmayaraq, həmişəki üstünlük bədən görüşü.
Ortada iki dövlətin bayraqları var. İki lider lüks tərzdə bəzədilmiş, qızılı naxışlı ağ kreslolarda oturublar. Aralarında kiçik bir dairəvi masa var, üzərində su şüşələri və ehtimal ki, sənədlər yerləşdirilib.
Lüks tərz zövq, zənginlik, qızılı naxışlar xüsusi dəbdəbəni, ağ kreslolar isə təmiz ağ səhifəni və neytrallığı əks etdirir.
Problemlərdən qaçmaq və yeni başlanğıclar açmaq, amma İranın daxili məsələlərdə neytrallığını (sərhəddini bilməklə) qorumaqla münasibət bildirilir.
Dairəvi masa simvolik olaraq bərabərlik və qarşılıqlı hörmət ideyasını ifadə edir. Ən maraqlısı odur ki, dördkünc qoyulan masaların tərəfləri, sərhədləri, maneələri olur axı, burada isə tam əksinədir.
Diplomatik etiketdə su ab-havanı sadələşdirir, lakin danışıqların uzun keçəcəyinə işarə edir. İndi görün danışmağa nə qədər mövzu var .
Tərəflərarası məsafə simmetrikdir və hörmət çərçivəsində saxlanılıb.
İran heyəti daha sərbəst əyləşib, hiss edilir ki, "baqaj" tam doludur və kifayət qədər zəngin data ilə gəliblər.
Bizim nümayəndə heyətimiz isə olduqca işgüzar görünür.
Səbəbi isə çox sadədir: İranla bağlı yekun nəticə əldə etmək istəyi və real iş, protokol, faktoloji yanaşma.
İran tərəfinin diplomatik (aldadıcı) gülüşü və ənənəvi görüş yanaşması daha çox nəzərə çarpır.
Prezident Əliyev bu fotolarda Günəşi təmsil edir. Onun tərəfdəki pəncərədən işıq düşür. Pəncərələr demişkən, pərdələrin zərafəti təntənə, ləyaqət, işıqlıq bildirirsə də, yarımaçıq olması qapalı danışıqların olduğunu deyir. Aha, ümmiyyətlə "arada pərdə var" yanaşması necə? Burada aramızda olmasa da, fotoda önəmli yerdədir, deyilmi?
Zalın böyüklüyü açıq dialoq, dövlətin böyüklüyü və nəfəs almaq imkanlarının görünüşünü ifadə edir.
Klassik sütunlardakı tacabənzər elementlərin isə mənası min ilin içində gizlənir", - deyə o əlavə edib.
Billurə
