“ABŞ prezidenti Donald Tramp Ukraynadakı müharibənin mümkün qədər tez bitməsini istəyir və onun üçün bunun necə olmasının heç bir əhəmiyyəti yoxdur.”
Kriminal.az xəbər verir ki, bu barədə “The Atlantic” ABŞ administrasiyasındakı rəsmiyə istinadən məlumat yayıb.
Məlumata görə, Tramp son günlər onun Ukraynadakı müharibə ilə bağlı diplomatiya cəhdlərinin heç bir nəticə vermədiyi üçün xüsusi olaraq qəzəblidir.
Ağ Evin rəhbərinin qıcıqlanmasını Rusiyanın Respublikaçılar Partiyasındakı bəzi əleyhdarları, məsələn, senator Lindsi Qrem daha da gücləndirib. O, yenidən prezidenti Rusiyaya qarşı sanksiyalar tətbiq etməyə çağırıb.
Bundan əlavə, mənbələr bildiriblər ki, Tramp Ukrayna prezidenti Volodimir Zelenski və Avropa ilə bağlı bir qədər məyusdur və onların tələblərini real saymır.
Onun fikrincə, Ukrayna müharibəni dayandırmaq üçün ərazisinin bir hissəsini itirməlidir.(APA)
