Fransada 77 yaşlı kişi nəvəsi ilə birlikdə Eyfel qülləsinin kiçik kopyasını hazırlayıb.
Kriminal.az NTV-yə istinadla xəbər verir ki, peşəsi mexanik olan baba qüllənin oxşar və kiçik modelini hazırlamaq üçün 8 il vaxt sərf edib.
30 metr hündürlükdə olan “Eyfel”i Yan Klod Fasler və nəvəsi Kilian Antenat 1889-cu il dizaynına sadiq qalaraq qülləni 1/10 miqyasda inşa edib.
Eyfel pərəstişkarı olan Fasler bir gecəni qüllənin birinci mərtəbəsində yatmağı planlaşdırdığını söyləyib:
“Beləliklə, “bacardım” və “Eyfel qülləsində bir mənzilim var” deyə bilərəm”.
Təxminən 8 illik layihənin xərclərini ödəmək üçün Fasler qülləni tamamlandıqdan sonra satmağı planlaşdırdığını açıqlayıb.
Billurə Yunus
