ABŞ Dövlət Departamenti Vaşinqtonda baş tutan üçtərəfli görüşlə bağlı sənədləri dərc edib.
Kriminal.az -ın məlumatına görə, burada ABŞ Prezidenti Donald Trampın Ağ Evdə Azərbaycan Prezidenti İlham Əliyev və Ermənistanın Baş naziri Nikol Paşinyanla keçirdiyi tarixi görüşdən bəhs edilib. Görüşün Cənubi Qafqaz regionunda sülhün yeni mərhələsinin başlanğıcı olacağı qeyd olunur.
Sənədlər arasında Azərbaycanla bağlı iki razılaşma yer alıb:
- Azərbaycan Prezidenti İlham Əliyev və Ermənistan Baş naziri Nikol Paşinyanın Vaşinqtonda keçirilən görüşünün yekunlarına dair Birgə Bəyanat;
- ABŞ Hökuməti ilə Azərbaycan Respublikası Hökuməti arasında strateji tərəfdaşlıq haqqında Xartiyanın hazırlanması məqsədilə Strateji İşçi Qrupunun yaradılmasına dair Anlaşma Memorandumu.
