Futbol üzrə Azərbaycan Premyer Liqasında XXVI turun daha bir oyunu keçirilib.
Kriminal.Az-ın məlumatına görə, günün ikinci matçında “Sabah” “Qəbələ”ni qəbul edib.
Qarşılaşma paytaxt klubunun qələbəsi ilə bitib - 2:1. Meydan sahiblərində 19 və 41-ci dəqiqədə Davit Volkov fərqlənib. Qonaqların qolunu isə 45+3-cü dəqiqədə Əyyub Allaş vurub.
Xallarının sayını 37-ə çatdıran “Sabah” “Neftçi” və “Səbail”lə birlikdə 3-5-ci yerləri bölüşdürür. Sonuncu sıradakı “Qəbələ”nin 15 xalı var.
Qeyd edək ki, bu gün baş tutan “Kəpəz” - “Neftçi” matçında qalib müəyyənləşməyib - 3:3. Martın 8-də “Sumqayıt” səfərdə “Səbail”ə qalib gəlib - 1:0. XXVI tura martın 10-da “Turan Tovuz” - “Araz-Naxçıvan” və “Qarabağ” - “Zirə” görüşləri ilə yekun vurulacaq.
17:15
Futbol üzrə Azərbaycan Premyer Liqasında XXVI turun daha bir oyunu keçirilib.
Günün ilk matçında “Neftçi” “Kəpəz”lə üz-üzə gəlib.
Tovuz şəhər stadionundakı qarşılaşma heç-heçə yekunlaşıb - 3:3. Gəncə təmsilçisində 6 və 62-ci dəqiqələrdə Martins Junior, 47-ci dəqiqədə Elçin Əlicanov fərqlənib.
“Ağ-qaralar”ın hər üç qolunu isə Filip Ozobiç vurub. O, 32, 57 və 77-ci (penalti) dəqiqələrdə fərqlənib.
Xallarının sayını 37-ə çatdıran paytaxt klubu hazırda “Səbail”lə birlikdə 3-4-cü yerləri bölüşdürür. “Kəpəz” 27 xalla 9-cu sıradadır.
09:26
Bu gün futbol üzrə Azərbaycan Premyer Liqasında XXVI turun daha iki oyunu keçiriləcək.
Kriminal.Az-ın məlumatına görə, ilk qarşılaşma Tovuz şəhər stadionunda gerçəkləşəcək.
Gəncə təmsilçisi “Kəpəz” “Neftçi” ilə üz-üzə gələcək. Bölgə klubu 26 xalla 9-cu, “ağ-qaralar” 36 xalla 4-cü pillədə qərarlaşıblar.
Günün ikinci matçında “Sabah” “Qəbələ”ni qəbul edəcək. Meydan sahibləri 36 xalla 6-cı yerdədirlər. 15 xala malik “Qəbələ” sonuncu sıradadır.
Azərbaycan Premyer Liqası
XXVI tur
9 mart (şənbə)
15:00. “Kəpəz” - “Neftçi”
Hakimlər: Rəvan Həmzəzadə, Cəmil Quliyev, Teymur Teymurov, Nicat İsmayıllı
Hakim-inspektor: Barış Şimşek
AFFA nümayəndəsi: Məmmədəli Məmmədov
Tovuz şəhər stadionu
17:30. ”Sabah” - “Qəbələ”
Hakimlər: İnqilab Məmmədov, Rəhman İmami, Şirmamed Mamedov, Əli Əliyev
Hakim-inspektor: Ramil Diniyev
AFFA nümayəndəsi: Zümrüd Ağayeva
“Bank Respublika Arena”
Qeyd edək ki, daha əvvəl “Sumqayıt” səfərdə “Səbail”ə qalib gəlib. XXVI tura martın 10-da “Turan Tovuz” - “Araz-Naxçıvan” və “Qarabağ” - “Zirə” görüşləri ilə yekun vurulacaq.
