Futbol üzrə İspaniya çempionatının 32-ci turu çərçivəsində “Real Madrid” və “Barselona” komandaları üz-üzə gələcək.
Bu prinsipial oyun ənənəvi olaraq bütün dünyada azarkeşlərin diqqətini cəlb edir.
La Liqa çərçivəsində 2024-cü ilin ilk “el-klasiko”su Madriddəki “Santyaqo Bernabeu” stadionunda baş tutacaq.
La Liqanın hesablamalarına görə, orta hesabla təxminən 650 milyon insan bu matçı televiziya və onlayn platformalarda izləyəcək. Oyun Bakı vaxtı ilə saat 23:00-da başlayacaq.
Bukmekerlərin proqnozlarına görə, Karlo Ançelottinin yetirmələri görüşün aşkar favoritləri hesab olunur: Bukmeker kontorları “Real Madrid”in qələbəsinə mərc etmək üçün 1,90 əmsal təklif edir. Bu, təxminən 53% ehtimaldır.
“Barselona”nın uğur nisbəti 4,06 (24%) olaraq qiymətləndirilir. Heç-heçəyə mərclər 4,11 (23%) səviyyəsində qəbul edilir.
Vinisiusun qolu 2,25, Bellinqemin məhsuldar ötürməsi isə 2,75 dəyərindədir. Robert Levandovskinin qoluna 2,50 verilir. Rodriqonun qoluna da eyni əmsallar qoyulub.
Xatırladaq ki, ilk dövrədə “Real Madrid” 2:1 hesabı ilə qalib gəlib.
Qeyd edək ki, hazırda “Real” 78 xal toplayıb və İspaniya çempionatının turnir cədvəlində 31-ci turdan sonra liderdir. “Barselona” isə 70 xalla ikinci yerdədir.
