Almaniya üçün Alternativ (AfD) sağçı partiyasının populyarlığı Saksoniya və Türingiya əyalətlərində keçiriləcək seçkiyə iki həftə qalmış federal səviyyədə artmaqda davam edir.
Kriminal.Az xəbər verir ki, "Bild am Sonntag" qəzetinin sifarişi ilə INSA sosioloji institutunun keçirdiyi ictimai rəy sorğusunun nəticələrinə görə, hazırda partiyanı seçicilərin 19%-i dəstəkləyir. Bu, əvvəlki həftə ilə müqayisədə bir faiz bəndi çoxdur.
Beləliklə, partiya iyunda illik minimum göstəricisindən (16%) sonra yenidən əhəmiyyətli nailiyyətlər əldə edib.
Saksoniyada Almaniya üçün Alternativ hətta Xristian Demokrat İttifaqını qabaqlaya bilib və 32% ilə birinci yerə çıxıb.
