Şərur sakini turşudan zəhərlənərək ölüb.
"Report" xəbər verir ki, hadisə Şərur rayonunun Kürkənd kəndində qeydə alınıb.
Belə ki, kənd sakini 2008-ci il təvəllüdlü Gülnaz Cəmil qızı Ələkbərova konserviləşdirilmiş xiyar turşusunu yedikdən sonra zəhərlənib.
Səhhəti pisləşən Ələkbərova Gülnaz Cəmil qızı xəstəxanaya yerləşdirilib. Həkimlərin səyinə baxmayaraq, onu xilas etmək mümkün olmayıb.
Faktla bağlı Şərur Rayon Prokurorluğunda araşdırma aparılır.
