Almaniya Kiyevə təhvil verilən silahların siyahısını yeniləyib. Siyahıya bir "IRIS-T SLM" və bir "IRIS-T SLS" hava hücumundan müdafiə sistemi, 8 "Leopard 1A5" tankı, 20 "Marder" piyada döyüş maşını (IFV) və "AIM-9L" idarə olunan raketləri daxildir. Həmçinin, pilotsuz təyyarələrin çatdırılması da planlaşdırılır.
Kriminal.Az TASS-a istinadən xəbər verir ki, bu barədə məlumat Almaniya hökumətinin rəsmi saytında dərc olunub.
Yeni paketin tərkibinə "Sea Sparrow" idarə olunan raketləri, 6 ədəd "Panzerhaubitze 2000" özüyeriyən artilleriya qurğusu, "Leopard 1" və "Leopard 2" tankları, eləcə də "Marder" piyada döyüş maşınları üçün döyüş sursatı daxildir. Bundan əlavə, "IRIS-T SLM" sisteminə aid raketlər, dörd ədəd MRAP zirehli texnikası, 24 min ədəd 155 mm kalibrli artilleriya mərmisi və 30 "Vektor" kəşfiyyat aparatı da bu siyahıya daxildir.
Təslim üçün "AIM-9L" idarə olunan raketləri, 4 min ədəd hücum pilotsuz aparatı, 361 "Songbird" kəşfiyyat PUA-sı, iki "TRML-4D" radar stansiyası, 42 min ədəd 40 mm-lik mərmi və qış geyimləri hazırlanır.
