Samux Rayon Polis Şöbəsinin əməkdaşlarının həyata keçirdikləri tədbirlər nəticəsində narkotiklərin qanunsuz dövriyyəsini təşkil edən və odlu silah-sursat saxlayan Ş.İsayev saxlanılıb.
Kriminal.Az xəbər verir ki, bu barədə Daxili İşlər Nazirliyinin Mətbuat Xidmətinin Gəncə regional qrupundan məlumat verilib.
Bildirilib ki, ondan narkotik vasitə marixuana aşkar olunub. Davam etdirilən tədbirlərlə saxlanılan şəxsin yaşadığı ünvandan qanunsuz olaraq əldə edərək saxladığı "Kalaşnikov" markalı avtomat, həmin silaha aid 1 ədəd daraq və 4 ədəd patron aşkarlanaraq götürülüb.
Faktla bağlı Samux Rayon Polis Şöbəsində araşdırma aparılır.
