"Opta Sport" statistik portalı klubların bu mövsüm Çempionlar Liqasında şanslarını dəyərləndirib.
Kriminal.Az xəbər verir ki, qitənin ən nüfuzlu klub turnirində "Liverpul"un qalib gəlmək ehtimalı ən yüksəkdir - 24.6 faiz.
İkinci pillədə 16.6 faizlə Londonun "Arsenal"ı qərarlaşıb. İlk üçlüyü "İnter" tamamlayır. Portal İtaliya klubunun şansını 14.5 faiz göstərib.
Qeyd edək ki, Çempionlar Liqasının pley-off mərhələsinin ilk oyunları bu gün və sabah keçiriləcək. Cavab görüşləri isə fevralın 18-i və 19-da baş tutacaq.
