Azərbaycan millisinin hücumçusu Mahir Emreliyə gözləmədiyi təklif gəlib.
Kriminal.az sportinfo-ya istinadən xəbər verir ki, son 1 ildə formasını geyindiyi «Nürnberq»də qalmayan forvard karyerasını İngiltərədə davam etdirə bilər.
Çempionşipdə mübarizə aparan «Hall Siti» 27 yaşlı qolçuya dəvət göndərib.
Türkiyəli iş adamı Acun İlcalının sahibi olduğu klub onunla 2 illik müqavilə bağlamaq niyyətindədir. Böyük Britaniya təmsilçisi Mahirin meneceriylə bu yöndə danışıqlara start verib.
Mövsümün əvvəlində Zaqreb “Dinamo”sundan II Bundesliqa komandasına keçən Mahir Emreli çempionatda 10, ölkə kubokunda 1 qola imza atıb.
Azərbaycanlı hücumçu ilə Bundesliqa təmsilçisi “Sankt Pauli” və “Kayzerslautern”in maraqlandığı deyilir.
